1. ફળ અને શાકભાજીની છાલ 
2. ઈંડાની છાલ
3. સુકાયેલા ફૂલો /હાર 
4. ચા કોફી ની ટી બેગ, ચા 
5. અનકોટેડ પેપર 

1. ચમકતા કાગળ / બોક્ષ 
2. ડિસ્પોઝેબલ ગ્લાસ 
3. સિગારેટના ઠુઠા
4. કુતરાનું પુપ
5. પ્લાસ્ટિક 
6. નાળીયેલનો કચરો. 

ખાતર કેવી રીતે બનાવવું? 

સૌ પ્રથમ તમારા બગીચાના સુકા પાંદડા ડાળીઓના કટકાનો તમે એક ઢગલો કરો વચ્ચે વચ્ચે તેની ઉપર રોડ ઉપરથી છાણ વીણી લાવી અથવા ક્યાંકથી મંગાવી તેમાં થોડું પાણી નાખી રાબડી તૈયાર કરી એ કચરાના ઢગલા ઉપર નાખતા રહો અથવા હવે સેડાવવાના બેક્ટેરિયા બઝારમાં મળે છે.

ખાતર બનાવવા માટે :

૧ ખોરાક - કે જે આપણે તેને પાંદડા તરીકે આપીએ છીએ.

૨ ઓક્સીજન - કે જે હવામાંથી તે મેળવી લે છે.

૩ ભેજ - તેના માટે આપણે થોડુ પાણી તેની ઉપર છાંટશું. જેમાંથી તે ભેજ મેળવી લેશે.

તો આ રીતે ઘરમાંથી નીકળેલો શાકભાજીનો લીલો કચરો ઉપરાંત ભેગા કરેલા લીલા અને સુકા પાંદડા અને છાણનું કઢી જેવું બનાવેલું રાબડુ આ બધાનો તમે ૧ ઢગલો કરો. ઢગલો નાનો કે મોટો ગમે એવડો કરી શકાય. આની ઉપર અમે આપેલ સેડાવવાના બેક્ટેરીયાનો પાવડરને પાણી સાથે ભેળવી તે પાણી પણ આની ઉપર નાખશો અથવા તો છાણનું રાબડું કરશો તેની સાથે આ પાવડર ભેળવી નાખશો તો આપોઆપ સરખા ભાગે વહેચાય જાય. ૧ કિલો કચરા માટે ફક્ત ૨ ગ્રામ ઉપયોગી બેક્ટેરિયા પાવડરનો ઉપયોગ કરવો પડે.

આ ઢગલો કર્યા પછી તેની ઉપર પ્લાસ્ટીક ઢાકી દેવું અને લગભગ ૧ મહિના પછી આ ઢગલા ઉપરથી પ્લાસ્ટીક ખોલી જોવું કે અંદર શું થયું છે. તો એ એકદમ સારૂં કાળુ હ્યુમસ વાળું ખાતર બની ગયું હશે કે જેમાં ભરપુર પોષક તત્વો છોડ લઇ શકે તે સ્વરૂપે ખાતર બની ગયા હશે.

સડવાનું કામ આમ તો કુદરતે એની જાતે ગોઠવ્યુ જ છે એટલે થયા કરે પરંતુ આપણે જેમાં ઉપયોગી બેક્ટેરીયા નાખ્યા હશે તે ઝડપથી સડી જશે. ખાતર તમે તમારા ઘરના કુંડામાં નાખશો તો તે ખુબ સારૂં પરીણામ આપશે.

ચાલો આપણા બાગ કે કિચન ગાર્ડન માટે કચરામાંથી કે રસોડાના લીલા કચરામાંથી કંચન જેવું ખાતર બનાવીએ અને આપણા ઘર આંગણે ઓર્ગેનિક શાકભાજી ઉગાડીને આખા પરિવારની તંદુરસ્તી જાળવીએ. વધુ વિગત માટે વોટ્સઅપ કરો ૯૮ ૨૫ ૨૨ ૯૯ ૬૬ 

 \

દૂધ માંથી દહીં બનાવનાર ઉપયોગી બેક્ટેરિયા છે તેવીજ રીતે રસોડાના કચરાને સેડાવવાના બેક્ટેરિયા હોય છે ? 

 કુદરતે આ બ્રહ્માંડમાં ઘણી સજીવ સૃષ્ટીઓ નિર્માણ કરેલ છે. માણસો – પ્રાણીઓ – વનસ્પતિ સૃષ્ટી ઉપરાંત હજારો પ્રકારની વનસ્પતિઓ – જળ સૃષ્ટી જેમાં હજારો પ્રકારના જળચર સજીવ, હજારો પ્રકારના જીવજંતુઓ.

આ ઉપરાંત એક એવી જીવ સૃષ્ટી રચી છે જે તમે નરી આખે જોઇ શકતા નથી અને તેનો પણ આપણા જીવનમાં ઘણો અગત્યનો રોલ છે. દા.ત. હજારો ઉપયોગી પ્રકારના બેક્ટેરીયા, ફુગ એવી ઘણી બધી સૃષ્ટિ કુદરતે રચી છે.

દા.ત. આપણે દુધમાં થોડુ મેળવણ નાખીએ અને સવારે તે દહી થઇ જાય છે પણ ખરેખર તે થાય છે કઇ રીતે? મેળવણ એટલે કે છાસમાં રહેલા દેખાય નહી તેવા અગણિત બેક્ટેરીયા રાત ભરમાં ૧ માંથી ૨, ૨ માંથી ૪, ૪માંથી ૧૬ અને ૧૬ માંથી ૨૫૬ એમ કરોડોની સંખ્યામાં વધી સવારે આપણને દુધમાંથી દહી બની ગયેલું જોવા મળે છે.

એવી જ રીતે માટીમાં કરોડોની સંખ્યામાં બેક્ટેરીયા હોય છે. જે રાત દિવસ કામ કર્યા કરે છે અને વનસ્પતિને જે ખોરાક જોઇએ છે તે તેને લભ્ય સ્વરૂપમાં લેવા મદદરૂપ થાય છે. સાદી સમજણ આપુ તો કોઇ પણ બેક્ટેરીયાને જીવન જીવવા માટે ત્રણ વસ્તુની જરૂર પડે ૧ ખોરાક, ૨ ઓક્સીજન, ૩ ભેજ એટલે કે પાણી. આટલી વસ્તુ જો તેને મળ્યા કરે તો તે રાત દિવસ કામ કર્યા કરે.

આપણે આપણા રસોડાના કચરામાંથી ખાતર બનાવવા સેડાવવાના બેક્ટેરિયા કેવી રીતે કામ આવે તેની વાત માટે વાંચતા રહો અથવા ફોન કરો 9825229966

રસોડાના કચરાને ખાતર બનાવવા શું કરવું ? 

વનસ્પતિના મુળને સીધુ મોઢું હોતું નથી કે તેથી તે સીધું ખોરાક ખાઇ શકે નહિ  પરંતુ તે પાણી સાથે ઓગળેલ પોષક તત્વો મુળના છેડે આવેલા પાતળા તાતણા જેવા મુળ રોમ દ્વારા ધીમે ધીમે મેળવે છે.

છોડને જરૂરી પોષક તત્વો નાઇટ્રોજન, ફોસ્ફરસ, પોટાશ, મેગ્નેશીયમ, કેલ્શીયમ, સલ્ફર ઉપરાંત છ જાતના માઇક્રોન્યુટ્રીયન્ટ દા.ત. જીંક, કોપર, ફેરસ, બોરોન, મોલીબ્લેડનમ અને મેંગેનીઝની આવશ્યકતા છે જે જમીનમાંથી મેળવે છે ઉપરાંત ઓક્સીજન અને હાઇડ્રોજન એ હવામાંથી પાન દ્વારા મેળવે છે.

હવે જમીનમાંથી આ પોષક તત્વો છોડ કઇ રીતે ઉપાડે ?

જમીનમાં પડેલ સેન્દ્રીય તત્વો, આપેલ ખાતરો, પોષકતત્વો છોડ સીધું લઇ શકતો નથી તેને લભ્ય સ્વરૂપમાં ફેરવવા જમીનમાં રહેલા કરોડો બેક્ટેરિયા આપણી મદદે આવે છે

જમીનમાં પોષક તત્વો માટે ખાતર શેમાંથી બની શકે? વનસ્પતિના પાંદડા અને કચરામાંથી ખાતર બની શકે આપણે બધી ખાવાની વસ્તુનો ઉપયોગ કરેલ વધેલા વેસ્ટમાંથી ખાતર બની શકે દા.ત. તુરીયાની છાલ, શીંગના ફોફા, લીંબુનો રસ કાઢયા પછી તેની અથવા ફળોની છાલમાંથી અથવા આપણે ઉપયોગ કરેલ વસ્તુના વેસ્ટનો ઉપયોગ કરી શકાય. એનો ઉપયોગ કરી આપણે ખાતર બનાવવાનો પ્રયત્ન કરીશું. આ ઉપરાંત છાણમાં પણ ખુબજ મોટી સંખ્યામાં બેક્ટેરીયા હોય છે જેમ છાસના મેળવણમાં હોય છે. તો આપણે આ ખાતર બનાવવા માટે મેળવણ તરીકે છાસની જેમ જ છાણનો ઉપયોગ કરી શકીએ જે આ બધા કચરાને ખાતરમાં ફેરવશે.

આપણી રોજ બરોજ ની જિંદગીમાં રસોડામાંથી આવો કચરો નીકળે છે તેને જો ખાતર બનાવી ને આપણા આંગણાના ફૂલ છોડના કુંડામાં આપીયે તો બેનમૂન ખાતર બને છે આ માટે સેડાવવાના ઉપયોગી બેક્ટેરિયા ક્યાંથી મળે ? મેળવવા શું કરવું ? વધુ વિગત માટે 98252299667